oyster-mushroom: ऑयस्टर मशरूम खा, निरोगी राहा! जाणून घ्या त्याचे आरोग्यदायी फायदे
आरोग्यवर्धक ऑयस्टर मशरूम खा अन् निरोगी राहा
oyster mushroom benefits: मशरूमच्या सेवनामुळे शरीराला विविध लाभ होतात. त्याचा पौष्टिकतेचा विचार केला तर तो फक्त चवदारच नाही, तर शरीरासाठी अत्यंत फायदेशीर आहे. आजच्या जीवनशैलीत जेव्हा मांसाहारी आणि तैलीय पदार्थ खाण्याची वाढती प्रवृत्ती आहे, तेव्हा ऑयस्टर मशरूमला शाकाहारी आणि पौष्टिक पर्याय म्हणून समाविष्ट करणे योग्य ठरते. मशरूमचा समावेश आपल्या आहारात केल्यास त्याचे विविध फायदे शरीरास चांगले परिणाम देतात.
मशरूम: एक पौष्टिक सुपरफूड
मशरूमला जगभर एक ‘पौष्टिक अन्न’ म्हणून मान्यता मिळालेली आहे. आपल्या शरीराच्या वाढीसाठी आणि सुस्थितीत राहण्यासाठी आवश्यक असणारी १० अमिनो आम्लं मशरूममध्ये नैसर्गिकरीत्या उपलब्ध आहेत. ऑयस्टर मशरूमला मराठीत ‘थिंगारी अळंबी’ असे म्हणतात. यामध्ये मांसाहारी पदार्थांपेक्षा जास्त प्रथिने असतात आणि जीवनसत्त्वे, खनिजे व अँटिऑक्सिडंट्स मुबलक प्रमाणात आढळतात.
मशरूम व्हेज की नॉनव्हेज?
मशरूमला इतर झाडांप्रमाणे पानं, मुळं किंवा बिया नसतात आणि त्याला वाढण्यासाठी सूर्यप्रकाशाची गरज नसते. त्यामुळे काही लोक मशरूमला शाकाहारी मानत नाहीत. मात्र, मशरूम हे प्राण्यांपासून तयार होत नाही, त्यामुळे ते नॉनव्हेजदेखील नाही. म्हणूनच, ते शाकाहारी आहारात समाविष्ट करता येते. मशरूमचा उपयोग अनेक प्रकारच्या पदार्थांमध्ये केला जातो, जसे की मशरूम पुलाव, पकोडे, सूप, करी, कटलेट, मसाला इत्यादी.oyster-mushroom
ऑयस्टर मशरूम खाण्याचे फायदे
- कॅन्सर रोखण्यास मदत मशरूममध्ये लिनोलिक अ‍ॅसिड आणि बीटा ग्लुकन्स असतात, जे कर्करोगाच्या पेशींच्या वाढीस प्रतिबंध करतात.
- रक्तातील साखर नियंत्रित ठेवते मशरूममधील घटक रक्तातील साखर स्थिर ठेवण्यास मदत करतात, त्यामुळे मधुमेह नियंत्रित ठेवता येतो.
- हाडे मजबूत करते मशरूम हा व्हिटॅमिन डीचा समृद्ध स्रोत आहे, जो कॅल्शियम आणि फॉस्फरस शोषून घेण्यास मदत करतो व हाडे मजबूत करतो.
- प्रतिकारशक्ती वाढवते मशरूममधील बीटा ग्लुकन्स शरीराला सर्दी आणि व्हायरल इन्फेक्शनपासून वाचवतात.
- अशक्तपणावर उपाय मशरूममध्ये लोह मुबलक प्रमाणात असते, त्यामुळे अशक्तपणा आणि थकवा दूर होतो.
- कोलेस्ट्रॉलची पातळी नियंत्रित ठेवते मशरूममधील अँटिऑक्सिडंट्स आणि बीटा ग्लुकन्स कोलेस्ट्रॉलची पातळी कमी करून हृदयरोगाचा धोका कमी करतात.
- दात, नखे आणि केस मजबूत करते मशरूममध्ये असलेला सेलेनियम घटक दात, नखे आणि केसांसाठी उपयुक्त असतो.
- वजन कमी करण्यास मदत करते मशरूम हलके आणि प्रथिनयुक्त असल्यामुळे वजन नियंत्रित ठेवण्यासाठी उपयुक्त आहे.
- मेंदूचे आरोग्य राखते मशरूममधील कॉपर आणि नियासिन मेंदूच्या आरोग्यास मदत करतात आणि मानसिक स्वास्थ्य सुधारतात.
ऑयस्टर मशरूम हे आरोग्यासाठी अत्यंत लाभदायक असून, त्याच्या सेवनामुळे शरीराला विविध पोषणमूल्ये मिळतात. नियमित आहारात त्याचा समावेश केल्यास अनेक आजारांपासून संरक्षण मिळू शकते. त्यामुळे आरोग्य टिकवण्यासाठी ऑयस्टर मशरूमचा आहारात समावेश करावा.oyster-mushroom
हे पण वाचा : महाराष्ट्रात येत्या १० दिवसांत बदलणार हवामान? अवकाळी पावसाची शक्यता!
