maharashtra-rain-alert : राज्यात पाऊस आणि गारपीटीचा इशारा: IMD चा सविस्तर अहवाल वाचा!
फेब्रुवारी महिन्यापासूनच राज्यात उन्हाच्या झळा जाणवू लागल्या होत्या. मात्र, मागील काही दिवसांपासून हवामानात मोठे बदल होत असल्याचे दिसून येत आहे. भारतीय हवामान विभागाने (IMD) दिलेल्या अहवालानुसार, दक्षिणेकडून पश्चिम बंगालच्या खाडीतून आणि गुजरातच्या दिशेने तीन सायक्लोनिक सर्क्युलेशन एकाच वेळी सक्रिय झाल्या आहेत. यामुळे चक्रीवादळासारखी स्थिती निर्माण होऊन हवामानात लक्षणीय बदल होत आहेत.
देशभरातील हवामान स्थिती:
संपूर्ण देशभर हवामानात मोठ्या प्रमाणात चढ-उतार होत आहेत. दक्षिण भारतातील काही राज्यांमध्ये गारपीट आणि मुसळधार पावसाचा इशारा देण्यात आला आहे, तर उत्तरेकडील भागांमध्ये उष्णतेची लाट आणि पावसाचा अलर्ट जारी करण्यात आला आहे. मुंबई आणि कोकण परिसरात उष्णतेत वाढ होत असून काही जिल्ह्यांमध्ये गारपीट होण्याची शक्यता वर्तविण्यात आली आहे.maharashtra-rain-alert
महाराष्ट्रातील हवामान अंदाज:
IMD च्या अंदाजानुसार, महाराष्ट्रातील अनेक भागांमध्ये अवकाळी पाऊस आणि गारपीट होण्याची शक्यता आहे. खालील जिल्ह्यांमध्ये पावसाचा आणि गारपीटीचा इशारा जारी करण्यात आला आहे:
हलका पाऊस पडण्याची शक्यता:
धुळे, नंदुरबार, जळगाव, छत्रपती संभाजीनगर, जालना.
मुसळधार पाऊस व विजांचा इशारा:
परभणी, हिंगोली, नांदेड, अकोला, लातूर, अमरावती, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ.
गारपीट आणि वादळी वाऱ्यांचा इशारा:
यवतमाळ, वर्धा, गोंदिया, चंद्रपूर, भंडारा जिल्ह्यांमध्ये गारपीट आणि मुसळधार पावसाचा इशारा देण्यात आला आहे. ४०-५० किमी ताशी वेगाने वादळी वारे वाहण्याची शक्यता आहे.
शेतकऱ्यांसाठी महत्वाचे मार्गदर्शन:
अवकाळी पावसाचा सर्वाधिक फटका शेतकऱ्यांना बसू शकतो. त्यामुळे हवामान विभागाने शेतकऱ्यांसाठी काही महत्त्वाचे सल्ले दिले आहेत:
1. पाण्याचे योग्य व्यवस्थापन: उन्हाळी भुईमुग आणि इतर पिकांसाठी आवश्यकतेनुसार तुषार सिंचन पद्धतीने पाणी व्यवस्थापन करावे.
2. किडींचे नियंत्रण: उन्हाळी भुईमुग पिकावर रसशोषण करणाऱ्या किडींचा प्रादुर्भाव दिसून आल्यास, त्याच्या नियंत्रणासाठी इमिडाक्लोप्रिड १८.८% २ मिली किंवा क्विनॉलफॉस २५% २० मिली यापैकी कोणतेही एक किटकनाशक १० लिटर पाण्यात मिसळून पावसाची उघडीप पाहून फवारणी करावी.
पुढील काही दिवस महत्त्वाचे:
२२ आणि २३ मार्च रोजी देखील अवकाळी पावसाचा इशारा देण्यात आला आहे. बंगालच्या उपसागरात कमी दाबाचा पट्टा निर्माण झाल्यामुळे मराठवाडा आणि विदर्भात पाऊस पडण्याची शक्यता आहे. मात्र, तापमानात घट होण्याची चिन्हे नसल्यामुळे उन्हाचा तडाखा कायम राहणार आहे.maharashtra-rain-alert
हवामानातील अनिश्चित बदल लक्षात घेता, नागरिकांनी आणि विशेषतः शेतकऱ्यांनी हवामान खात्याच्या सूचनांकडे लक्ष द्यावे. तसेच आवश्यक ती खबरदारी घेऊन संभाव्य नुकसान टाळावे.
हे पण वाचा : बोअरवेल खोदणीसाठी मिळवा ₹50,000 अनुदान – जाणून घ्या संपूर्ण माहिती!
