monsoon-alert: मध्य महाराष्ट्र आणि मराठवाड्यात मान्सूनचा जोरदार मारा; सहा जिल्ह्यांना ऑरेंज अलर्ट
monsoon-alert: मुंबई आणि पुणे परिसरात एक दिवसाची विश्रांती घेतल्यानंतर मान्सूनने बुधवारी (२८ मे) मध्य महाराष्ट्र आणि मराठवाड्याच्या काही भागांत दमदार हजेरी लावली. भारतीय हवामानशास्त्र विभागाने पुढील २४ तासांत विदर्भातील काही जिल्ह्यांत मुसळधार पावसाचा इशारा दिला असून, मराठवाडा आणि विदर्भाच्या अन्य भागांमध्येही बहुतांश ठिकाणी पावसाची शक्यता वर्तवली आहे.
घाटमाथ्यावरही मुसळधार पावसाचा इशारा
पुणे व सातारा जिल्ह्यांच्या घाट परिसरात देखील हवामान विभागाने तुरळक ठिकाणी मुसळधार पावसाचा अंदाज व्यक्त केला आहे. त्यामुळे या भागांतील नागरिकांना सतर्क राहण्याचे आवाहन करण्यात आले आहे.
कोकण, गोवा आणि विदर्भात पावसाचे वर्चस्व
कोकण आणि गोवा येथे येत्या पाच दिवसांमध्ये पावसाची शक्यता वर्तवण्यात आली आहे. तर गुरुवारी विदर्भात अनेक ठिकाणी पावसाची शक्यता आहे. या पार्श्वभूमीवर अमरावती, भंडारा आणि चंद्रपूर या जिल्ह्यांना हवामान विभागाने ऑरेंज अलर्ट जारी केला आहे. यामुळे प्रशासन आणि नागरिकांनी खबरदारी घेण्याचे निर्देश देण्यात आले आहेत.
मान्सूनने विदर्भात दाखल होताच पावसाचा तडाखा
बुधवारी हवामान खात्याने विदर्भात मान्सूनच्या अधिकृत आगमनाची घोषणा केली असून, तो आता गडचिरोली जिल्ह्यात पोहचल्याचे वेधशाळेने स्पष्ट केले. विशेष म्हणजे या घोषणेच्या एक दिवस आधीच मान्सूनपूर्व पावसाने विदर्भातील अनेक जिल्ह्यांमध्ये तडाखा दिला.
नागपूरमध्ये वादळी वाऱ्यांसह जोरदार पाऊस
बुधवारी सायंकाळी नागपूरमध्ये वादळी वाऱ्यांसह जोरदार पावसाने हजेरी लावली. अचानक आलेल्या पावसामुळे नागपूरकरांची दाणादाण उडाली. तर अमरावतीत सकाळपर्यंत तब्बल ४५.२ मि.मी. पावसाची नोंद झाली.
राज्यात मान्सूनने आता अधिकृतपणे दमदार सुरुवात केली आहे. विदर्भ, मराठवाडा, आणि मध्य महाराष्ट्रातील नागरिकांनी येत्या काही दिवसांत हवामान खात्याच्या इशाऱ्यांची नोंद घेऊन खबरदारी बाळगणे आवश्यक आहे. शेतीसाठी हा पाऊस दिलासादायक असला तरी सुरक्षिततेच्या दृष्टीने प्रशासनाने आणि नागरिकांनी सजग राहणे गरजेचे आहे. monsoon-alert
हे पण वाचा : ‘ही’ 3 महत्त्वाची कामं पूर्ण करा, मगच मिळेल पीएम किसान योजनेचा लाभ!
