pik vima: या जिल्ह्यातील पिक विम्याचे पैसे आले, पुढील आठवड्यात जमा होणार शेतकऱ्यांच्या खात्यावर
मागील वर्षी ४ जूनपासून सुरू झालेल्या सलग पावसामुळे सोलापूर जिल्ह्यातील अनेक शेतकऱ्यांचे उभे व काढणी केलेले पीक पूर्णपणे उद्ध्वस्त झाले. या नैसर्गिक आपत्तीतून झालेल्या नुकसानीची भरपाई म्हणून दोन लाख ११ हजार ६६३ शेतकऱ्यांना एकूण २८२ कोटी १९ लाख रुपयांची नुकसानभरपाई देण्याचा निर्णय घेण्यात आला आहे.pik vima
शेतकऱ्यांच्या खात्यात पुढील आठवड्यात रक्कम जमा होणार
शेतकऱ्यांनी पीक विम्यासाठी केलेल्या इंटिमेशननुसार नुकसानभरपाईचे पंचनामे पूर्ण करण्यात आले असून, आता ही रक्कम पुढील आठवड्यात थेट शेतकऱ्यांच्या बँक खात्यावर जमा होणार असल्याची माहिती जिल्हा अधीक्षक कृषी अधिकारी शुक्राचार्य भोसले यांनी दिली आहे.
नुकसानभरपाईचा अपारदर्शक पद्धतिवर प्रश्नचिन्ह
पीक विमा योजना ही शेतकऱ्यांना दिलासा देणारी योजना असली तरी नुकसानभरपाई वितरणामध्ये पारदर्शकतेचा अभाव असल्याचे वारंवार निदर्शनास येते. विमा कंपनी आपल्या सोईनुसार नुकसानभरपाई जाहीर करते. शासनाच्या हिस्स्याची किती टक्केवारी प्रत्यक्षात शेतकऱ्यांना मिळते, याचा नेमका हिशोब दिला जात नाही.
सर्वाधिक नुकसान भरपाई बार्शी तालुक्याला
जिल्ह्यातील बार्शी तालुक्याला सर्वाधिक नुकसानभरपाई दिली जाणार आहे. त्याखालोखाल अक्कलकोट, दक्षिण सोलापूर, उत्तर सोलापूर, मोहोळ, करमाळा, माढा आणि मंगळवेढा या तालुक्यांनाही मोठी रक्कम मिळणार आहे. मात्र पंढरपूर, सांगोला आणि माळशिरस या तालुक्यांना तुलनेत कमी रक्कम मिळणार आहे, हे विशेष लक्षवेधी आहे.
दोन्ही प्रकारच्या नुकसानीस भरपाई
शेतकऱ्यांनी दिलेल्या तक्रारीनुसार दोन प्रकारची नुकसानभरपाई करण्यात येणार आहे:
1. स्थानिक नैसर्गिक आपत्तीमुळे उभ्या पिकांचे नुकसान
2. काढणीनंतरच्या पिकांचे (पोस्ट-हार्वेस्ट) नुकसान
या दोन्ही प्रकारच्या नुकसानभरपाईतून अनेक शेतकऱ्यांना दिलासा मिळणार आहे.
या नुकसानभरपाईने शेतकऱ्यांना काहीसा दिलासा मिळेल हे खरे असले, तरी प्रत्येक वेळेस उशिराने येणारी भरपाई, पारदर्शकतेचा अभाव आणि तालुक्यानुसार असलेला फरक – हे प्रश्न कायमच भेडसावत आहेत. पुढील खरीप हंगाम काही महिन्यांवर येऊन ठेपला असतानाच मागील हंगामाचे नुकसान भरून निघणे हेही तितकेच महत्त्वाचे आहे.pik vima
हे पण वाचा : मोसंबी व संत्रा पिकावरील कोळी किडीवर नियंत्रणासाठी प्रभावी उपाययोजना
