लातूर विभागात सौर कृषीपंप तक्रार निवारणासाठी महावितरणचे विशेष मेळावे

निलंगा, औसा व किल्लारी उपविभागात शेतकऱ्यांच्या तक्रारींचे थेट निराकरण

लातूर विभागात सौर कृषीपंप तक्रार:लातूर विभागातील सौर कृषीपंपधारक शेतकऱ्यांसाठी महावितरण (MSEDCL) कडून महत्त्वाचा निर्णय घेण्यात आला आहे. सौर कृषीपंपांबाबत वारंवार येणाऱ्या तांत्रिक अडचणी, दुरुस्ती विलंब, एजन्सींच्या तक्रारी यांचे जागेवरच निवारण करण्यासाठी उपविभागीय स्तरावर विशेष तक्रार निवारण मेळावे आयोजित करण्यात आले आहेत.

आज, 29 डिसेंबर रोजी निलंगा, औसा आणि किल्लारी उपविभागांमध्ये शेतकऱ्यांच्या तक्रारी निकाली काढल्या जाणार आहेत.

सौर कृषीपंप तक्रार निवारण मेळाव्यांचे वेळापत्रक

महावितरणने लातूर जिल्ह्यातील सर्व उपविभागांसाठी खालीलप्रमाणे टप्प्याटप्प्याने मेळावे आयोजित केले आहेत :

26 डिसेंबर

लातूर ग्रामीण
रेणापूर
मुरूड

29 डिसेंबर

औसा
किल्लारी
निलंगा

30 डिसेंबर

कासारशिरसी
शिरूर अनंतपाळ
उदगीर शहर
उदगीर ग्रामीण

31 डिसेंबर

जळकोट
देवणी
शिरूर ताजबंद
अहमदपूर
चाकूर

मेळाव्यात शेतकऱ्यांना काय सुविधा मिळणार?

या तक्रार निवारण मेळाव्यांमध्ये शेतकऱ्यांच्या सौर कृषीपंपाशी संबंधित समस्यांवर थेट व त्वरित कारवाई केली जाणार आहे.

उपविभागीय अभियंता व अधिकारी उपस्थित
संबंधित शाखा प्रमुख सहभागी
सौर पंप बसवणाऱ्या एजन्सीचे प्रतिनिधी
मोटार, पॅनल, इन्व्हर्टर, वायरिंग आदी तांत्रिक अडचणींचे जागेवरच निराकरण

महावितरणने शेतकऱ्यांना कार्यालयीन वेळेत उपस्थित राहण्याचे आवाहन केले आहे, जेणेकरून तक्रारी त्वरित निकाली काढता येतील.

मेळाव्याला उपस्थित राहता येत नसेल तर तक्रार कशी करावी?

जर कोणत्याही कारणामुळे शेतकरी मेळाव्याला येऊ शकत नसतील, तर खालील पर्यायांद्वारे तक्रार नोंदवता येते :

ऑनलाइन तक्रार नोंदणी

https://www.mahadiscom.in/solar_MTSKPY

टोल-फ्री हेल्पलाईन

📞 1800-233-3435
📞 1800-212-3435

महत्त्वाचे म्हणजे, सौर कृषीपंप योजनेअंतर्गत ५ वर्षांची देखभाल पूर्णतः मोफत आहे. तक्रार नोंदवल्यानंतर तिच्या निवारणाची माहिती शेतकऱ्यांना SMS द्वारे दिली जाते.