मुंबई, उपनगर व ठाण्यात पेस्ट कंट्रोलसाठी परवाना सक्तीचा

मुंबई उपनगर व ठाण्यात पेस्ट कंट्रोलसाठी परवाना सक्तीचा

विनापरवाना किटकनाशक विक्री व फवारणीवर कडक कारवाईचा इशारा

मुंबई उपनगर व ठाण्यात पेस्ट कंट्रोल:मुंबई शहर, मुंबई उपनगर आणि ठाणे जिल्ह्यात किटकनाशके विक्री तसेच पेस्ट कंट्रोल (किटकनाशक फवारणी) व्यवसाय करणाऱ्यांसाठी महत्त्वाची सूचना जारी करण्यात आली आहे. कृषी विभागाने स्पष्ट केले असून, परवाना नसताना किटकनाशके साठवण, विक्री किंवा फवारणी करणे बेकायदेशीर ठरणार आहे. नियमांचे उल्लंघन केल्यास संबंधितांवर कायदेशीर कारवाई होऊ शकते.

कोणते परवाने आता अनिवार्य?

कृषी विभागाच्या निर्देशानुसार खालील बाबींसाठी परवाना घेणे सक्तीचे करण्यात आले आहे :

किटकनाशकांचा घाऊक व किरकोळ साठा आणि विक्री
झुरळ, डास, उंदीर, ढेकूण, मुंग्या आदींसाठी वापरल्या जाणाऱ्या घरगुती किटकनाशकांची विक्री
पेस्ट कंट्रोल ऑपरेशन्स म्हणजेच किटकनाशक फवारणी व नियंत्रण सेवा

परवाना नसल्यास कोणताही व्यवसाय सुरू ठेवता येणार नाही, असे कृषी विभागाने स्पष्ट केले आहे.

कोणावर होणार कारवाई?

खालील प्रकारचे व्यावसायिक आणि दुकाने कारवाईच्या कक्षेत येऊ शकतात :

मेडिकल स्टोअर्स
किराणा दुकाने
सुपर मार्केट व जनरल स्टोअर्स
पेस्ट कंट्रोल सेवा देणाऱ्या एजन्सी

जर हे व्यवसाय विनापरवाना किटकनाशके विकत किंवा फवारणी करत असतील, तर कृषी विभागाच्या गुणवत्ता नियंत्रण शाखेकडून त्यांच्यावर कारवाई केली जाऊ शकते.

कायद्याचा आधार काय आहे?

ही कारवाई किटकनाशके अधिनियम 1968 आणि किटकनाशके नियम 1971 यांच्या आधारे केली जाणार आहे.
विशेषतः, नियम 10 नुसार परवाना न घेता किटकनाशकांचा व्यवसाय करणे हे थेट कायद्याचे उल्लंघन मानले जाते.

परवाना संदर्भातील महत्त्वाच्या अटी

घरगुती किटकनाशक विक्रीचे परवाने नियमांनुसार कायमस्वरूपी स्वरूपात दिले जातात
परवान्यात नमूद केलेल्या किटकनाशकांमध्ये बदल झाल्यास त्याची नोंद परवान्यात करणे आवश्यक
प्रतिबंधित किटकनाशकांच्या वापरासाठी स्वतंत्र परवानगी आवश्यक आहे

व्यवसाय सुरू करण्यापूर्वी सर्व अटींची पूर्तता करणे अत्यावश्यक आहे.

अधिक माहितीसाठी संपर्क

परवाना प्रक्रिया किंवा नियमांबाबत अधिक माहितीसाठी खालील कार्यालयाशी संपर्क साधावा :

विभागीय कृषी सहसंचालक, कोकण विभाग, ठाणे
पत्ता: 7 वा मजला, धर्मवीर आनंद प्रशासकीय इमारत,
काशीश पार्क, एल.बी.एस. रोड, तीन हात नाका, ठाणे (प.) – 400604
📞 संपर्क क्रमांक: 8691058094

हे पण वाचा Farmer ID अनिवार्य: पीएम किसानसह सर्व कृषी योजनांमध्ये मोठा बदल